「我哋真係好鬼鍾意返工」係座右銘，香港人出名工作態度良好，值得信任，夠上心，而且任勞任怨。有雇主甚至坦言，佢最鍾意請香港人，因為知道香港人做嘢一定冇甩拖。
《隨緣隨筆》－
今次想同大家探討嘅，係香港人嘅競爭力，就係我哋如何好好運用香港人嘅優勢，就是在彼邦也能發光發熱。
相信呢個題目，喺唔同嘅網絡平台，甚至唔同嘅人都會討論並分享過。一般來講我哋會聽到嘅都係香港人肯搏肯捱，英語能力一般來講都不錯，轉數快，鍾意返工唔怕蝕抵。綜合小弟於澳洲工作大約已經六年，與不同國家以及地區嘅人都曾經合作，究竟是否真係如上述所講，呢啲就係香港人嘅優勢呢？
就說剛才嘅不同範疇，也讓小弟與大家分享一下：
在語文能力方面，香港人由於在年幼時已經開始接觸英語，相比起其他國家，除非該國是以英語為主要語言，否則的確具備一定程度上的優勢。同時間，由於香港的教育制度更着重於書寫而非會話，畢竟以英語溝通的機會相對較少，除非就讀國際學校又或者在職場上是精英階層需要與各國溝通，一般來講，香港人的英語書寫及閱讀能力，是絕對在國際上是數一數二的；在會話能力方面，依我來看，進步的空間還是很大，如果十分滿分嘅話，香港人嘅英語會話能力，大約六至七分左右。
香港人食腦，轉數也高，最緊要嘅係，肯搏肯捱，呢個好重要。當香港人移民到一個完全唔熟悉嘅陌生環境，要重新開始，香港人柔韌度高，適應能力強，好多都轉行或者自己做生意。好老實，那種「到外國開餐館洗大餅只可以做二等公民」的年代已經過去，今天，香港人到任何一個地方去都能進入各行各業，總之把握機會，便能找到出路，真正百花齊放。
過去一年也協助過不少香港人找工作，也請了不少。他們在香港都各自擁有不同的專業，也因為不同的原因而來到澳洲。有空姐和空中少爺最後成為了零售店舖的店長，有曾經在大機構擔任文職的，現在是製造業流水線工人，也有在香港原本是工程師，來到這裏重新學習成為了一個buiIder，又或者考番個咖啡師牌，走去沖咖啡，亦有從前在香港是教書的，在澳洲成為了出色的sales。我比較幸運，能夠找回自己的專業，在人事工作上繼續發展。
我認識的很多不同行業裏的雇主，都會歡迎香港人，不僅是因為他們勤力，「我哋真係好鬼鍾意返工」係座右銘，香港人出名工作態度良好，值得信任，夠上心，而且任勞任怨。有雇主甚至坦言，佢最鍾意請香港人，因為知道香港人做嘢一定冇甩拖。
香港人亦都好多時候冇其他人咁計較，可能我哋真係習慣咗全力以赴，係咩時候呢啲嘅質素就能夠充分展現出嚟呢？好多時候就係發生問題之時。我自己嘅經歷好簡單，一有咩事，係邊一間公司都好，願意留低幫手，唔太計較嘅，基礎上都係香港人。
也有一些朋友，他們身在澳洲，也不斷接一些香港的工作來做，例如會計、遙距IT support，甚至翻譯文章，編寫程式等等，亦有做freelance contractor，總之就百花齊放，在各行各業都能夠搵到香港人嘅蹤跡。當然，澳洲的職場也有它的規矩，這個可以後面再談，整體而言，願意做的，總有出路。
都係一句，香港人，只要我哋肯，冇咩係唔得嘅。這便是我們的競爭力。
關於作者：澳洲企業HR人，作者授權。
免責聲明：博客作者之立場並不代表Ozstarter的立場， 敬請留意